نیوی کمانڈو اپنا ولیمہ چھوڑ کر نوجوان کی لاش نکالنے پہنچ گیا
سورس: File Photo
سرگودھا (ویب ڈیسک) پاک بحریہ کے ایس ایس جی کمانڈو نے ڈوبنے والے سرگودھا کے سیاح لڑکے کی لاش نکال لی.
آج نیوز کے مطابق سرگودھا سے تعلق رکھنے والا نجوان ضلع بھمبر کے علاقے سماہنی جنڈالہ میں اپنے رشتہ داروں سے ملنے آیا تھا۔جاں بحق نوجوان مقامی ندی میں تیراکی کے دوران ڈوب گیا۔
ریسکیو 1122 کی ٹیموں نے پاکستان نیوی کے ایس ایس جی کمانڈو عمر علی کو مدد کے لیے فون کیا جو اپنی ولیمہ کی تقریب میں شریک تھے۔عمر اپنا ولیمہ چھوڑ کر ریسکیو آپریشن کی قیادت کے لیے جائے وقوعہ پر پہنچے اور گھنٹے بعد ڈوبنے والے لڑکے کی لاش نکالنے میں کامیاب ہو گئے۔
آزاد کشمیر کی مقامی کمیونٹی نے سوشل میڈیا پر عمر علی کی بے مثال جذبے اور حوصلے کی بھرپور تعریف کی۔
