شاعر احمد فرہاد جیل سے رہا ہو کر گھر پہنچ گئے
مظفر آباد (ڈیلی پاکستان آن لائن )آزاد کشمیر ہائیکورٹ سے ضمانت ہونے کے بعد شاعر احمد فرہاد کو رہا کردیا گیا۔
تفصیلات کے مطابق آزاد کشمیر ہائیکورٹ نے احمد فرہاد کی 2 لاکھ روپے کے مچلکوں کی عوض ضمانت منظور کی تھی۔احمد فرہاد گزشتہ ماہ اسلام آباد سے لاپتا ہوئے تھے جس کے بعد احمد فرہاد کی بازیابی کے لیے ان کی اہلیہ نے اسلام آباد ہائیکورٹ میں درخواست دائر کی تھی۔بعد ازاں آزاد کشمیر پولیس نے ان کی گرفتاری ظاہر کی تھی۔
