فجر کی نماز پڑھ کر آنیوالا شور مچانے پر ڈاکوؤں کے ہاتھوں قتل

کراچی (آئی ا ین پی) کراچی میں   فجر کی نماز پڑھ کر آنیوالا شور مچانے پر ڈاکوؤں کے ہاتھوں قتل ہوگیا۔

ایس ایس پی کورنگی کامران خان نے بتایا ہے کہ فجر کے وقت 4 ڈاکو ایک گھر میں واردات کے بعد فرار ہو رہے تھے، 17 سال کا نوجوان مظفر اقبال نماز فجر پڑھ کر گھر جا رہا تھا۔انہوں نے مزید بتایا کہ نوجوان کے شور مچانے پر ڈاکوؤں نے فائرنگ کی جس سے وہ موقع پر ہی جاں بحق ہو گیا۔ایس ایس پی کورنگی کامران خان کے مطابق ڈاکو مقتول کے پڑوس میں واردات کر کے جا رہے تھے۔

ایس ایس پی کورنگی نے یہ بھی بتایا ہے کہ واقعے کے بعد ایس ایچ او زمان ٹان اور چوکی انچارج کو معطل کر دیا ہے۔ واضح رہے  کراچی میں یکم جنوری سے اب تک ڈکیتی مزاحمت پر جاں بحق افراد کی تعداد 3 ہو گئی۔