ایران کے نامور آرٹسٹ سعید کامرانی کے فن پاروں کی نمائش
لاہور(ڈیلی پاکستان آن لائن)الحمرا ءآرٹ گیلری میں ایران سے آئے ہوئے آرٹسٹ سعید کامرانی کے 60 کے قریب اسلامی آرٹ کے حوالے سے فن پاروں کی نمائش کا انعقاد کیا گیا ہے۔نماش کا افتتاح ڈی جی خانہ فرہنگ لاہور ڈاکٹر اصغر مسعودی،وائس چیئرمین اسلامک کلچر اینڈ ریلیشن آرگنائزیشن ایران ڈاکٹر حسین پور،ڈاکٹر عادل خانی ،مشہور تاجر رہنما میاں انجم نثار اور ایوان علم و فن کے چئیرمین عرفان قریشی نے کیا۔
الحمراء میں منعقدہ اسلامی فن پاروں کی نمائش سے قبل ایرانی آرٹسٹ سعید کامرانی نے ورکشاپ میں شہریوں کو کیلی گرافی آرٹ سے متعلق بریف بھی کیا۔نمائش میں ایرانی ہینڈی کرافٹ کی بھی نمائش کی گئی جس کو دیکھنے کے لئے شہریوں کی بڑی تعداد نے وزٹ کیا اور ایرانی آرٹسٹ کے کام کو سراہا۔
