تحریک انصاف کی رہنما نے گرفتاری کی تردید کر دی، معاملہ کیا ہے ؟ تفصیلات جانیے
راولپنڈی ( ڈیلی پاکستان آن لائن )پاکستان تحریک انصاف کی رہنما سیمابیہ طاہر نے چیف آرگنائزر عالیہ حمزہ کی گرفتاری کی تردید کردی۔
"جنگ " کے مطابق ان کا کہنا ہے کہ پولیس نے ہماری کارکن کو حراست میں لیا جسے چھڑانے عالیہ حمزہ تھانے گئی تھیں۔اس سے قبل ذرائع کا کہنا تھا کہ راولپنڈی پولیس نے تحریک انصاف (پی ٹی آئی) کی رہنما عالیہ حمزہ کو حراست میں لے لیا۔عالیہ حمزہ کے ساتھ پی ٹی آئی کارکن شمیم آفتاب کو بھی حراست میں لے کر ویمن پولیس اسٹیشن منتقل کردیا گیا۔
پولیس ذرائع کے مطابق پی ٹی آئی کی طرف سے بغیر اجازت کنونشن منعقد کیا گیا تھا۔
