بنوں ، گزشتہ شب اغواء ہونیوالے 7 پولیس اہلکار بازیاب
بنوں (ڈیلی پاکستان آن لائن) گزشتہ شب اغوا ہونے والے تمام اہلکاروں کو بازیاب کرالیا گیا۔
ایکسپریس نیوز کے مطابق ڈی پی او نے تمام مغوی اہلکاروں کی بازیابی کی تصدق کرتے ہوئے بتایا کہ علاقہ عمائدین اور پولیس کی مشترکہ کوششوں سے یہ کامیابی ملی ہے۔ڈی پی او نے بتایا کہ گزشتہ روز بنوں کے دور افتادہ پہاڑی علاقے کے سب ڈویژن وزیر میں قائم چیک پوسٹ پر مسلح افراد نے دھاوا بولا اور پھر وہ 7 اہلکاروں کو اسلحہ سمیت اغوا کر کے اپنے ساتھ لے گئے تھے۔ ڈی پی او نے تصدیق کی کہ بازیاب ہونے والے تمام 7 اہلکار بحفاظت بنوں پہنچ گئے ہیں۔
