توں کی جانے بھولیے مَجّے،  نارکلی دِیاں شاناں | انور مسعود |

توں کی جانے بھولیے مَجّے،  نارکلی دِیاں شاناں | انور مسعود |
توں کی جانے بھولیے مَجّے،  نارکلی دِیاں شاناں | انور مسعود |

  

توں کی جانے بھولیے مَجّے،  نارکلی دِیاں شاناں

ون سوَنّے گاہک نی ایتھے، بھلیو بَھلی دُکاناں​

ویکھ نی اڑِیے کھبّے پاسے وال کِسے دے کھلّے

راہیاں دے پئے کھیڑے پیندے خوشبوواں دے ہلّے

سجّے پاسے کھرلی دے وچ بنگالی رس گلّے

پَنج کلیانے موجاں کر لےلٹ لے اڑیے بلھے

ویکھ کسی تھاں مُنہ نہ ماریں، مُڑ مُڑ  پیا سمجھناں

توں کی جانے بھولیے مَجّے،  نارکلی دِیاں شاناں

ویکھ نی جیون جوگِیے ایتھے رنگ برنگ پٹولے

سیر کریندے نظری آون پرِیاں دے کُجھ ٹولے

چَھڈ دے کھانے کَھلاں وڑینویں، ہن نہ چبیں چھولے

چھڈ دے پینے گُڑے دے شربت، پی ہن کوکے کولے

بوتل دے نال مُنہ نہ لائیں، مُنہ وِچ پا لئیں کانا

تُوں کی جانے بھولیے مَجّے، انارکلی دِیاں شاناں​

اَلہڑ شِیں مٹیاراں والی چَڑہتل کہیڑا جھلے

مونڈھے نال پیا مونڈھا کھیندائے لگن پئے دھر کھلے

اکھیاں وِچ نئیں شرم دا کجلا، مونہاں تے نئیں پلّے

اُچا اُچا سارے ویکھن، کوئی نہ ویکھے تَھلّے

نِیوِیں نظر کِیویں کوئی رکّھے، اُچیاں ہین دُکاناں

توں کی جانے بھولیے مَجّے،  نارکلی دِیاں شاناں

چار چُفیرے ٹیڈی پِھردے، نوّی بہار دے کِیڑے

چاہڑے ہوئے اُچھاڑاں وانگوں پاٹن ہاکے لِیڑے

وکھیاں اُتوں کھل کھل جاون ٹِچ ٹِچ کردے بِیڑے

جیہڑا ویکھے جِیبھ اپنی نوں دنداں ہیٹھ دبیڑے

ڈاہڈیاں تنگ پوشاکاں دے وِچ پھاتیاں ہوئیاں جاناں

توں کی جانے بھولیے مَجّے،  نارکلی دِیاں شاناں

جیہڑی تھاویں نظریں آون چار مسافر کٹّھے

اَچّن چیتی پے جاندے نے پیر تیرے کیوں مَٹّھے

ہل پو  ایتھوں بے وقوفے لوک کرن گے ٹَھٹّھے

اس دُکانے پان وکیندے، توں سمجھے نیں پٹّھے

ڈِٹھا ای ایہہ ساوے پتر سوئیاں کرن زباناں

توں کی جانے بھولیے مَجّے،  نارکلی دِیاں شاناں

آ وَڑیاں ایں ڈنگر مالا! تُوں اَج کیہڑے پاسے

پیسے دے نی پُتر سارے ایس گلی دے واسے

مہاتڑ ایتھے خالی آؤندے، خالی کھڑدے کاسے

پَلّے جے کر پیسے ہوون ڈُل ڈُل پیندے ہاسے

بہتیاں مینوں آؤندیاں کوئی نئیں اِکو گل مُکاناں

توں کی جانے بھولیے مَجّے،  نارکلی دِیاں شاناں

شاعر: انور مسعود

(شعری مجموعہ: "میلہ اکھیاں دا" سال اشاعت، 1974 )

Anaar Kali Diyaan Shaana

Tu    Ki    Janay    Bholiay    Majjay    Naar   Kali    Diyaan    Shanaan

Wan    Sawannay    Gaahak    Ni    Aithay    Bhalio    Bhali   Dukanaan

Wekh   Ni    Arriay     Khabbay    Paasay    Waal    Kisay    Day   Khullay

Raahiaan   Day    Pay    Khairray    Painday    Khushbuaan    Day    Hullay

Sajjay    Paasay    Khurli     Day   Vich    Bangaali    Rassgullay

Panj     Kalyaanay    Maojaan    Kar    Lay    Lutt    Lay    Arriay    Bulhay

Wekh    Kisay    Thaan    Munh    Na    Maaren   Murr    Murr    Piya   Samjhaanaan

Tu    Ki    Janay    Bholiay    Majjay    Naar   Kali    Diyaan    Shanaan

Wekh    Ni    Jewan    Jogiay    Aithay    Rang    Barang    Pattolay 

Sair    Karenday    Nazreen    Awan    Paryaan    Day   Kujh   Tolay

Chhad    Day    Khaanay    Khallaan   Warraiwen    Hun   Na   Chabbeen   Chholay

Chadd    Day    Peenay    Gurr    Day    Sharbat    Pee    Hun    Kokay   Kolay

Botal    Day    Naal    Munh    Na    Laeen    Munh    Vich    Pa   Laen   Kaanaa

Tu    Ki    Janay    Bholiay    Majjay    Naar   Kali    Diyaan    Shanaan

Allharr     Sheenh     Mutyaraan    Wali    Charrtall    Kehrra    Jhallay

Mohndhay    Naal    Piya    Mohndha    Khehnda    Ay    Wajjan    Pay    Dharghallay

Akhiyaan    Vich    Nai    Sharm    Da    Kajla    Munhaan   Tay    Nai    Pallay

Ucha   Ucha    Saaray   Wekhan    Koi    Na   Wekhay    Thallay

Neeven    Nazar    Kiven    Koi    Rakhay    Uchiyaan    Nay    Dukanaan

Tu    Ki    Janay    Bholiay    Majjay    Naar   Kali    Diyaan    Shanaan

Chaar    Chofairay    Taidi    Phirday    Nawen    Bahaar    Day    Keerray

Chaahrray   Huay    Uchaarraan    Waaangun     Paatan    Haakay   Leerray

Wakhiyaan    Utun    Khul    Khul    Jaawan    Tich   Tich    Karday    Beerray

Jehrra   Wekhay    Jebh    Apni    Nu   Danndaan    Haith   Dabeerray

Daadhiyaan   Tang    Poshakaan    Day   Vich    Phtaathiaan    Hoiaan    Janaan

Tu    Ki    Janay    Bholiay    Majjay    Naar   Kali    Diyaan    Shanaan

Jehrri    Thaawen    Nazren    Aawan    Chaar    Musaafir   Kathhay

Achan    Chaiti    Pay    Jaanday    Nay Pair    Tiray    Kiun    Mathhay

Hill    Pao    Aithun     BeWaaqoofay    Lok    Karan    Ggay   Thathhay

Ais    Dukaanay    Paan    Vikeenday   Tun    Samjhay    Nay    Pathhay

Dithha    Ei    Ah    Saaway    Patar    Suhiaan     karan    Zubaanaan

Tu    Ki    Janay    Bholiay    Majjay    Naar   Kali    Diyaan    Shanaan

Aa    Warria    En    Dangar    Maala   Yun     Ajj    Kehrray    Paasay

Paisay   Day   Ni    Puttar    Saaray    Ais   Gali    Day   Waasay

Mahaatrra    Aithay    Khaali    Aawnday     Khaali    Kharrday    Kaasay

Pallay    Jay    Kar    Paisay    Howan    Dulh     Dulh    Painday     Haasay

Bahotiyaan    Mainu    Aaawndiyaan    Koi    Nai    Ikko    Gall    Mukaana 

Tu    Ki    Janay    Bholiay    Majjay    Naar   Kali    Diyaan    Shanaan

Poet: Anwar Msood

مزید :

شاعری -مزاحیہ شاعری -