میاں بیوی سے نکاح نامہ طلب کرنے پر پولیس اہلکار بڑی مشکل میں پھنس گئے

اسلام آباد (ڈیلی پاکستان آن لائن)  وفاقی دارالحکومت میں میاں بیوی سے نکاح نامہ طلب کرنے پر 2 اہلکاروں کے خلاف مقدمہ درج کر لیا گیا۔

24 نیوز کے مطابق دونوں اہلکاروں کے خلاف مقدمہ تھانہ بہارہ کہو میں درج کیا گیا، ایف آئی آر کے متن کے مطابق خاتون شوہر کے ہمراہ شاہدرہ روڈ پر جارہی تھی کہ پولیس اہلکاروں نے روک کر نکاح نامہ طلب کیا، خاتون کا کہنا ہے کہ پولیس اہلکاروں نےمیرےشوہر کو دور بھیج کر میرا موبائل بھی چھینا۔ خاتون کا مزید کہنا ہے کہ اہلکاروں نے جنسی طورپرحراساں بھی کیا اور کال کرکے ملنے کے لیے دباؤ ڈالتے رہے، نمبر نہ دینے پر جان سے مارنے کی دھمکیاں بھی دیتے رہے۔دوسری جانب اسلام آباد پولیس نے بروقت کارروائی عمل میں لاتے ہوئے اپنے ہی پیٹی بھائیوں کے خلاف مقدمہ درج کر لیا۔