پاک نیوی کے بحری جہاز کی بحرین آمد ، پرتپاک استقبال کیا گیا

پاک نیوی کے بحری جہاز کی بحرین آمد ، پرتپاک استقبال کیا گیا
پاک نیوی کے بحری جہاز کی بحرین آمد ، پرتپاک استقبال کیا گیا

  


اسلام آباد (ڈیلی پاکستان آن لائن) پاکستان نیوی کے بحری جہاز پی این ایس اصلت کی بحرین میں خیرسگالی دورہ پر آمد پر پاکستانی سفیر جاوید ملک اور کپٹیں غلام اکبر کی جانب سے ایک پر وقار تقریب کا اہتمام کیا گیا۔ تقریب میں بحرین نیول چیف کموڈور محمد الاعصام، برادر ممالک کے سفیروں، بحرین میں تعینات نیول افسران پاکستانی کمیونٹی کی اہم شحصیات نے شرکت کی۔

تمام پولنگ سٹیشن گوگل میپ کے ساتھ منسلک کردئیے ، راتوں رات سٹیشن تبدیل نہیں ہو سکیں گے: ترجمان الیکشن کمیشن

پاک نیوی کے بحری جہازپی این ایس اصلت کی بحرین آمد کے موقع پر خطاب کرتے ہوئے پاکستانی سفیر جاوید ملک نے کہا کہ پاکستان نیوی کی پیشہ وارانہ خدمات پر ہر پاکستانی کو فخر ہے اور پاکستان نیوی بحرین میں تعینات کمبائنڈ ٹاسک فورس کے اشتراک سے خطہ کے امن و سلامتی میں ایک کلیدی کردار ادا کر رہی ہے جس کا اعتراف کمبائنڈ ٹاسک فورس کی اعلیٰ سطح کی قیادت نے کیا ہے۔ پاکستانی سفیر جاوید ملک نے بحرینی نیوی چیف کموڈور محمد الاعصام کی تقریب میں شرکت پاکستان اور بحرین کے مضبوط دفاعی تعلقات کا منہ بولتا ثبوت ہے۔ تقریب میں امریکہ، چین، ترکی، اٹلی، برطانیہ، جرمنی، روس، جاپان، انڈونیشیا، سری لنکا، نیپال، سوڈان، سعودی عرب اور ملیشیا کے سفارکاروں نے شرکت کی اور پاکستانی سفیر جاوید ملک کے ساتھ مل کر خیرسگالی کیک کاٹا اور پاکستان کی کاوشوں کو سراہا۔

لائیو ٹی وی دیکھنے کے لئے اس لنک پر کلک کریں

مزید : قومی