دنیا کا مہنگا ترین مشروب جسے 150 ہیروں کیساتھ پیش کیا جاتا ہے، قیمت کتنی ہے؟

واشنگٹن (ڈیلی پاکستان آن لائن )کیا کبھی آپ نے کسی ایسے مشروب کے بارے میں سنا ہے جسے ہیروں کے ساتھ پیش کیا جاتا ہے؟ اور وہ بھی ایک دو نہیں پورے 150 ہیرے؟
یہ یقیناً غیر معمولی بات ہے لیکن غیر ملکی خبر رساں ادارے کی رپورٹ کے مطابق شکاگو کا ایک ریسٹورنٹ یہ کاک ٹیل پیش کر رہا ہے جو 150 ہیروں کے ساتھ عمدہ طریقے سے گاہکوں کو پیش کیا جاتا ہے۔
رپورٹس کے مطابق شکاگو کے ایک اطالوی ریسٹورنٹ 'ایڈالینا' نے یہ مشروب متعارف کروایا ہے جس کا نام 'میرو مارٹینی' ہے، یہ ایک قسم کا کاک ٹیل ہے جو مختلف پھلوں سے مل کر بنتا ہے جس میں ٹماٹر کا جوس، زیتون کا تیل اور اس کے علاوہ لیموں شامل ہوتا ہے۔
اس کی خاصیت صرف اس کا ذائقہ نہیں بلکہ اس کے ساتھ آنے والا 150 ہیروں سے بنا ڈائمنڈ کا ہار ہے۔
میرو مارٹینی کی قیمت 13 ہزار ڈالرز مقرر کی گئی ہے جو پاکستانی روپے کے لحاظ سے تقریباً 36 لاکھ روپے بنتے ہیں۔
سی بی ایس نیوز کی رپورٹ کے مطابق یہ کاک ٹیل اس وقت سرخیوں میں آیا جب ایک شخص نے اسے اپنی بیوی کے لئے خریدا۔