تھر پارکر میں شدید گرمی اور پانی کی کمی سے 65 مور ہلاک
تھرپارکر(ڈیلی پاکستان آن لائن )صحرائے تھر کی خوبصورتی کے مرکزی کردار اور سندھ کا قومی پرندہ قرار دیا گیا مور پانی کو ترسنے لگا، درجنوں مور ہلاک ہوگئے۔
نجی ٹی وی جیو نیوز کے مطابق تھرپارکر وائلڈ لائف کے ڈپٹی کنزرویٹر میر اعجاز تالپور کا کہنا ہے کہ موروں کو تھر میں خوراک تو مل جاتی ہے لیکن پانی نہیں مل پاتا، مقامی افراد کے مطابق گرمی کی حالیہ لہر میں 65 مور ہلاک ہوچکے ہیں۔
مقامی افراد کا دعویٰ ہے کہ بیمار موروں کی تعداد سینکڑوں میں ہے جن کا علاج نہ ہونے کے باعث روزانہ کی بنیاد پر یہ خوبصورت پرندے ہلاک ہوتے جارہے ہیں۔
