ہونٹوں پہ کبھی ان کے مرا نام ہی آئے

 ہونٹوں پہ کبھی ان کے مرا نام ہی آئے
 ہونٹوں پہ کبھی ان کے مرا نام ہی آئے

  

 ہونٹوں پہ کبھی ان کے مرا نام ہی آئے

آئے تو سہی بر سر الزام ہی آئے

حیران ہیں لب بستہ ہیں دلگیر ہیں غنچے

خوشبو کی زبانی ترا پیغام ہی آئے

لمحات مسرت ہیں تصور سے گریزاں

یاد آئے ہیں جب بھی غم و آلام ہی آئے

تاروں سے سجا لیں گے رہ شہر تمنا

مقدور نہیں صبح چلو شام ہی آئے

کیا راہ بدلنے کا گلہ ہم سفروں سے

جس رہ سے چلے تیرے در و بام ہی آئے

تھک ہار کے بیٹھے ہیں سر کوئے تمنا

کام آئے تو پھر جذبۂ ناکام ہی آئے

باقی نہ رہے ساکھ اداؔ دشت جنوں کی

دل میں اگر اندیشۂ انجام ہی آئے

شاعرہ: اداجعفری

Honton pe Kabhi Un K Mera Naam Hi Aaey

Aaey To Sahi , Bar Sar  e  Izlaam Hi  Aey

Hiraan Hen, Lab Basta Hen, dilgeer Hen Ghunchay

Khushboo Ki Zubaani Tira Paighaam Hi Aey

Lamhaat  e  Musarrat Hen Tasawwar Say Guraizaan 

Yaad Aaey Hen Jab bhi gha,m  o  Hi Aaey

Taaron Say Saja Len Gay rah  e  Shaehr   e  tamannah

Mqadoor nahen Subho Chlo Shaam Hi Aaey

Kya Rah Badalnay Ka Gila Ham safaron Ko

Jiss  Rah say Chalay Teray Dar  o  Baam Hi Aaey

Thak Haar K Baithay Hen Sar  e  Ku Tamanna

Kaam aaey To Phir Jazba  e  Nakaam Hi aaey

Baqi Na Rahay Saakh ADA Dasht  e  Junoon Ki 

Dil Men Agar Andesha  e  Anjaam Hi Aaey

Poetess:Ada Jafri

مزید :

شاعری -رومانوی شاعری -