کالعدم تنظیم بی ایل اے کےلیے سہولت کاری کا الزام ، پراسیکیوٹر انسپکٹر بلوچستان گرفتار
کوئٹہ( ڈیلی پاکستان آن لائن) کاؤنٹر ٹیررازم ڈیپارٹمنٹ نے کارروائی کرتے ہوئے کالعدم بلوچ لبریشن آرمی (بی ایل اے) کے مبینہ کارندے میر خان لہڑی کو گرفتار کرلیا۔
سما ٹی وی کے مطابق سی ٹی ڈی ذرائع کا کہنا ہے میر خان لہڑی نے اسلام آباد کی انٹرنیشنل اسلامک یونیورسٹی سے وکالت کی ڈگری حاصل کی اور بعدازاں بلوچستان میں پراسیکیوٹر انسپکٹر کے طور پر تعینات ہوا۔میر خان لہڑی دورانِ ملازمت کالعدم تنظیم کے لیے سہولت کاری کرتا رہا۔ گرفتار ملزم سے مزید تفتیش جاری ہے۔
