یورپ کیلئے پی آئی اے کی فلائٹس کا آغاز خوش آئند،علیم خان

لاہور(آئی این پی)وفاقی وزیر نجکاری، سرمایہ کاری بورڈ و مواصلات عبدالعلیم خان نے کہا ہے کہ یورپ کیلئے پی آئی اے کی فلائٹس کا آغاز خوش آئند امرہے۔ اپنے ایک بیان میں  پی آئی اے کی نجکاری کے حوالے سے اب تک کی پیشرفت پر گفتگو کرتے ہوئے علیم خان نے کہا کہ پی آئی اے کا یہ فلائٹ آپریشن شروع ہونا اس ادارے کی نجکاری کیلئے سنگ میل ثابت ہوگا، اب لوگوں کو یقین ہو گیا ہے کہ وہ یورپ کیلئے پی آئی اے میں سفر کر سکیں گے جلد ہی پی آئی اے کو برطانیہ اور امریکہ میں بھی آپریشنل کرنے کی بھی خوشخبر ی ملے گی، جبکہ پی آئی اے کی نجکاری میں حائل مختلف مسائل دور ہو چکے، اب تیزی سے مراحل طے ہوں گے۔پی آئی اے کی پرائیویٹائزیشن کیلئے امور تیزی سے نمٹا ئے جا رہے ہیں، جلد اچھی خبر ملے گی۔ پی آئی اے کی فروخت کیلئے آئی ایم ایف نے دو اہم ایشوز کو منظور کر لیا  نئے جہازوں کی خریداری پر18فیصد سیلز ٹیکس ختم، پی آئی اے کے تمام نقصانات کو ہولڈنگ کمپنی میں منتقل کر ینگے  پاکستان انٹرنیشنل ائیر لائنز کو کسی پرانی واجب الادا رقم کے بغیر بیچیں گے، جبکہ ان اصلاحات کے بعد انویسٹرز کیلئے پی آئی اے کی خریداری زیادہ پر کشش ہو جائے گی، 

علیم خان