فخر زمان اور صائم ایوب اگر ساتھ کھیلیں گے تو ون ڈے میں ہم 400 کرسکتے ہیں، یونس خان

کراچی(ڈیلی پاکستان آن لائن)پاکستان کرکٹ ٹیم کے سابق سٹار بیٹر و کپتان یونس خان نے کہا ہے کہ میری خواہش ہے پاک بھارت کرکٹ مستقل ہو، میں ہمیشہ پاک بھارت کرکٹ کی بات کرتا ہوں۔کراچی میں میڈیا سے گفتگو میں یونس خان نے کہا کہ بھارت کے خلاف کھیل کر آپ بڑے پلیئر بنتے ہیں، فخر زمان کو ٹیم میں ضرور ہونا چاہیے۔انہوں نے کہا کہ چیمپئنز ٹرافی کے میچز پاکستان میں ہو رہے ہیں جو خوش آئند بات ہے۔ 9 سال ہم نے پاکستان سے باہر کرکٹ کھیلی۔

سابق کپتان نے مزید کہا کہ اسد شفیق اور اظہر علی زیادہ تر کرکٹ باہر کھیلتے رہے۔ ہوم گراؤنڈز پر کھیلنے کا فائدہ ہوتا ہے، یہ اچھی بات ہے کہ پاکستان میں بڑا ٹورنامنٹ ہو رہا ہے۔اُن کا کہنا تھا کہ فخر زمان اور صائم ایوب اگر ساتھ کھیلیں گے تو ون ڈے میں ہم 400 کرسکتے ہیں۔ دونوں کو نچلے نمبرز پر نہیں کھلانا چاہیے، ایسے پلیئرز جو ٹیم کےلیے کھیلتے ہوں ان کو سپورٹ کرنا چاہیے۔یونس خان نے یہ بھی کہا کہ پی سی بی نے اس معاملے میں اسمارٹ طریقے سے کھیلا ہے ،جب آپ بڑی ٹیموں سے کھیلتے ہیں تو فائدہ ہوتا ہے۔