گھر میں خاتون کو اکیلا پا کر خانہ بدوش عورتیں اندر داخل ہو گئیں اور پھر 19 لاکھ روپے نقد اور زیورات لے اڑیں
میانوالی (ڈیلی پاکستان آن لائن) میانوالی کے قریبی شہر کندیاں میں خانہ بدوش عورتیں گھر میں داخل ہو کر خاتون سے 19 لاکھ روپے اور تین تولے زیور لے لوٹ کر لے گئیں۔
نجی ٹی وی دنیا نیوز کےمطابق خانہ بدوش ڈکیت عورتوں نے پہلے ریکی کر کے خاتون کے گھر پہ اکیلا ہونے کی یقین دہانی کی اور پھر گھر میں داخل ہو کر خاتون خانہ کو گھیر لیا، اسی دوران باقی خانہ بدوش عورتوں نے گھر کی تلاشی لی اور ایک صندوق سے 19 لاکھ روپے نکال لئے جبکہ 3 تولے زیور پر بھی ہاتھ صاف کر لیا۔
واردات کے بعد ملزم عورتیں فرار ہو گئیں، پولیس نے مقدمہ درج کر کے تفتیش شروع کر دی۔
