کراچی: قبرستان سے خاتون کی صندوق میں ہاتھ پاؤں بندھی لاش برآمد
کراچی(ڈیلی پاکستان آن لائن )سائٹ ایریا میٹروول کے قبرستان سے خاتون کی لوہے کی پیٹی میں بند ہاتھ پاؤں بندھی تشدد زدہ لاش ملی ہے۔
ڈی آئی جی ساؤتھ اسد رضا کے مطابق سائٹ ایریا میٹروول میں شہید قبرستان سے لوہے کی پیٹی میں خاتون کی لاش ملی، خاتون کی لاش کے ہاتھ پاؤں بندھے ہوئے ہیں اوربظاہر لگتا ہے کہ خاتون کو تشدد کرکے قتل کیا گیا ہے۔
ڈی آئی جی ساؤتھ نے بتایا کہ مقتولہ کی فوری طور پر شناخت نہیں ہوسکی،لگتا ہے مقتولہ کو کہیں اور قتل کرکے لاش یہاں پھینکی گئی ہے۔
ڈی آئی جی ساؤتھ نے کہا کہ بائیو میٹرک ڈیوائس کے ذریعے بھی مقتولہ کا شناختی ریکارڈ نادرا میں نہیں آیا جبکہ لاش کو عباسی شہید ہسپتال منتقل کرکے تفتیش شروع کردی گئی ہے۔
