معروف شاعرہ سیدہ کوثر کی نئی آنے والی کتاب کا نام تجویز کردیا گیا
دبئی(طاہر منیر طاہر)دھنک لندن ویلفئیر فاؤنڈیشن کی چئیر پرسن ،منفرد لب و لہجہ کی مالک اور نوجوان نسل کی نمائندہ شاعرہ سیدہ کوثر کی عنقریب پبلش ہونے والی شاعری کی کتاب کے نام کا اعلان کر دیا گیا ۔
"عشِق لا ہوتی " نام کی تقریبِ رونمائی میں خطاب کرتے ہوئے سیدہ کوثر نے کہا کہ نام کے انتخاب میں پچھلے ایک سال سے سبھی دوستوں ،احباب اور اساتذہ سے مشاورت جاری تھی، سب کی متفقہ رائے سے"عشقِ لاہوتی" نام منتخب کیا گیا ہے،اس نام میں میرے بزرگوں کی رضا بھی شامل ہے،میں بہت خوش قسمت ہوں کہ مجھے اردو ادب میں نہائیت منجھے ہوئے اساتذہ کی راہنمائی اور عظیم ہستیوں کی سرپرستی حاصل ہے۔
“ عشقِ لا ہوتی” کتاب کی پبلشنگ کے حوالے سے ان کا کہناتھا کہ کتاب کی پبلشنگ کا کام بہت تحمل اور منظم طریقے سے ہو رہا ہے، بہت جلد میں اپنے مداحوں کو خوش خبری سنانے والی ہوں،عشقِ لاہوتی کتاب ہر لحاظ سے اپنے اسلوب بیان اور مضامین کے حوالے سے منفرد ہوگی،اس میں عورتوں کی حساسیت کے ساتھ ساتھ انسانی جذبات و محسوسات کی عکاسی بھی نہایت عمدگی سے کی گئی ہے ،یقیننا مداح اس کتاب کو پڑھ کر خوش ہونگے۔
