خوارجی نعیم خان کے اہلخانہ کا لاش وصول کرنے سے انکار

ڈیرہ اسما عیل خان (ڈیلی پاکستان آن لائن )ایک ہفتے قبل جندولہ فورٹ حملے میں مارے جانے والے خوارجی نعیم خان سے والد، خاندان اور گاؤں کے مشران نے مکمل لاتعلقی کا اعلان کر دیا۔
نجی ٹی وی "سماء نیوز" کے مطابق کری شموزئی، ڈیرہ اسماعیل خان کے 20 سے زائد مشران اور والد احمد خان کی جرگہ میں شرکت، خوارجی نعیم خان سے مکمل لاتعلقی کا اظہار کردیا، والد احمد خان نے اپنے دو ٹوک بیان میں کہاکہ جو پاکستان اور پاک فوج کے خلاف ہو، وہ ریاست کا دشمن ہے، چاہے میرا اپنا بیٹا ہی کیوں نہ ہو۔
خوارجی نعیم خان کے والد نے کہا کہ 1 سال3 مہینے پہلے میں اسکے پیچھے قرآن لے کر گیا، اس نے قرآن بھی رد کر دیا، مجھے نہ اس کی لاش چاہیے نہ ڈھانچہ، خوارجیوں کے لیے نہ کوئی عزت، نہ جنازہ، میرا بیٹا جہنم کا ایندھن ہے۔
علاقے کی تاریخ میں پہلی بار کسی مرنے والے پر نہ فاتحہ خوانی ہوئی نہ تعزیت ہوئی، عوام اور مشران نے خوارجین کے خلاف سخت مؤقف اپناتے ہوئے کہا کہ پاکستان اور پاک فوج کے خلاف ہتھیار اٹھانے والوں کے لیے کوئی رعایت نہیں۔