کرک میں گاڑی پر فائرنگ سے سابق ایس ایچ او بیٹے اور نواسے سمیت جاں بحق

کرک (ویب ڈیسک) نامعلوم افراد کی فائرنگ سے سابق ایس ایچ او اپنے نواسے اور بیٹے سمیت مارا گیا۔

پولیس حکام نے بتایا کہ فائرنگ میں مقتول ایس ایچ او کا بھتیجا زخمی ہوا جسے ہسپتال منتقل کردیا گیا ہے، تاحال واقعے کی وجہ معلوم نہیں ہوسکی تاہم ممکنہ طور پر ذاتی دشمنی کا شاخسانہ ہے۔ پولیس نے جائے وقوعہ سے شواہد جمع کرکے تفتیش شروع کردی ہے اور مقتولین کے اہل خانہ سے بیانات لئے جارہے ہیں۔