عالمی بینک نے پاکستان کیلئے 45 کروڑ ڈالر قرض کی منظوری دیدی

اسلام آباد(ڈیلی پاکستان آن لائن) عالمی بینک نے پاکستان کیلئے 45 کروڑ ڈالر قرض کی منظوری دیدی  ہے۔عالمی بینک کی جانب سے جاری کردہ رپورٹ کے مطابق رقم سندھ فلڈایمرجنسی ہاؤسنگ ری کنسٹرکشن پراجیکٹ پرخرچ کی جائےگی،یہ رقم متاثرہ علاقوں میں گھروں کی تعمیر نو میں مدد دے گی، پانی، صفائی اورحفظان صحت کی سہولت فراہمی میں بھی مددملےگی۔

سماء نیوز کے مطابق نئی معاونت 2022 میں منظورہونےوالے50 کروڑڈالرکےمنصوبے پرمبنی ہوگی،منصوبےکے تحت 4 لاکھ 10 ہزار بنیادی رہائشی یونٹس کی مالکانہ تعمیرشامل ہے،اضافی مالی معاونت سے سندھ میں کم از کم 360,000 مزید افراد مستفید ہوں گے۔عالمی بینک  کی جانب سے جاری کردہ رپورٹ میں مزید کہا گیا ہے کہ یہ رقم ان افراد کیلئےجامع رہائشی تعمیرنوکی کوششوں کو وسعت دینےکیلئےہے،یہ اضافی وسائل کم ازکم 30,000 محفوظ پانی حفظان صحت کی سہولیات فراہم میں مدد دیں گے۔