موڑ کھنڈا، ڈمپر کی موٹر سائیکل کو ٹکر، 2چچا زاد بھائی جاں بحق 

                                                            موڑ کھنڈا(نمائندہ پاکستان)لاہور جڑانوالہ روڈ پر ماچھی والا سٹاپ کے قریب تیز رفتار ڈمپر کی موٹر سائیکل سواروں کو کچل دیا، 2نوجوان جاں بحق، ڈمپر ڈرائیور فرار۔ تفصیلات کے مطابق موضع ہرچوکے نزد جڑانوالہ کے رہائشی مجاہد حسین اور شعیب موڑکھنڈا سے واپس گھر جا رہے تھے کہ کوڑا کرکٹ اٹھانے والے تیز رفتار ڈمپر انہیں پیچھے سے ٹکر مار کر کچلتا ہوا نکل گیا۔ حادثے میں 29 سالہ ویٹرنری ڈاکٹر مجاہد حسین اور 20سالہ شعیب زخموں کی تاب نہ لاتے ہوئے موقع پر ہی دم توڑ گئے۔ دونوں نوجوان آپس میں کزن تھے۔ ڈمپر ڈرائیور ڈمپر چھوڑ کر فرار ہو گیا۔ پولیس نے ضروری کارروائی کے بعد نعشیں  ورثاء کے حوالے کر دی گئیں۔ دونوں کزنوں کی نعشیں گھر پہنچنے پر کہرام برپا ہو گیا۔ پورے گاؤں میں سوگ کا سماں اور آنکھ اشکبار تھی۔

جاں بحق