بجلی کی قیمت میں کمی کردی گئی
اسلام آباد (ویب ڈیسک) نیشنل الیکٹرک پاور ریگیولیٹری اتھارٹی (نیپرا) نےبجلی کی قیمت میں 86 پیسے فی یونٹ کمی کی منظوری دے دی ہے۔
نیپرا میں فیول پرائس ایڈجسٹمنٹ برائے اگست 2024 کے معاملے سماعت ہوئی اور اگست کے ماہانہ فیول چارجز ایڈجسٹمنٹ کی مد میں 86 پیسے فی یونٹ کمی کی منظوری دے دی جبکہ سی پی پی اے جی نے ایف سی اے کی مد میں 57 پیسے فی یونٹ کمی کی درخواست جمع کروائی تھی۔نیپرا نے اس درخواست پر 26 ستمبر 2024 کوعوامی سماعت کی تھی اور اس سے قبل جولائی کی فیول چارجز ایڈجسٹمنٹ 37 پیسے فی یونٹ کمی کے ساتھ اگست کے بلوں میں چارج کیا گیا تھا۔نیپرا نے بتایا کہ اگست کا ایف سی اے جولائی کی نسبت صارفین سے مزید 49 پیسے فی یونٹ کم چارج کیا جائے گا، یہ ریلیف صارفین کو اکتوبر کے بلوں میں دیا جائے گا اور جن صارفین کو بل موصول ہو چکے ہیں انہیں یہ ریلیف نومبر کے بلوں میں دیا جائے گا۔مزید بتایا کہ اس کا اطلاق ڈسکوز کے تمام صارفین ماسوائے لائف لائن، پری پیڈ صارف اور الیکٹرک وہیکل چارجنگ سٹیشنز پر ہوگا اور کے-الیکٹرک صارفین پربھی نہیں ہو گا۔
