غلام سرور خان کا بیان انتہائی نامناسب اور ناقابل قبول، حامد میر کے بعد فوادچودھری بھی بول پڑے
اسلام آباد(ویب ڈیسک) وفاقی وزیر سائنس و ٹیکنالوجی فوادچوہدری نے وفاقی وزیر ہوا بازی غلام سرور خان کے بیان کو بدمزہ قرار دے دیا۔
ایکسپریس نیوزکے مطابق وفاقی وزیر برائے ہوابازی غلام سرور خان نے ملک لوٹنے والوں کو واجب القتل قرار دیتے ہوئے کہا تھا کہ جن لوگوں نے 35 سال لوٹ مار کی ان کا احتساب ہونا چاہیے۔ اس بیان پر ردعمل کا اظہار کرتے ہوئے وفاقی وزیر سائنس و ٹیکنالوجی فواد چوہدری نے کہا ہے کہ غلام سرور کا بیان انتہائی غیر مناسب ہے، وزارت ایسے بیانات کی ہیت کو جاننے میں ناکام رہی۔
فواد چوہدری کا کہنا تھا کہ سیاست آئیڈیاز کی جنگ ہے یہ مخالفین کو قتل کرنے کا دور نہیں رہا، آپ کسی سے شدید اختلافات رکھ سکتے ہیں لیکن ایسے بیانات بد مزہ کردینے والے ہوتے ہیں جن کی اجازت نہیں دی جاسکتی۔
Very inappropriate statement, the Minister failed to ascertain gravity of such statements ..... politics is war of ideas its no more era of killing opponents ... you may have extreme disagreements but such statement is in a bad taste n cannot be approved https://t.co/9vyxRu1bzy
— Ch Fawad Hussain (@fawadchaudhry) August 24, 2020
واضح رہے کہ ٹیکسلا میں لیبر کمپلیکس کے دورے کے موقع پر میڈیا سے بات کرتے ہوئے وفاقی وزیر ہوا بازی غلام سرور خان کا کہنا تھا کہ میں نے ایوان میں کھڑے ہو کر نیب کو خوش آمدید کہتے ہوئے کہا تھا کہ میرا اور میرے خاندان کا احتساب کیا جائے لیکن جن لوگوں نے 35 سالوں میں پاکستان کو لوٹا، ان کا بھی احتساب ہونا چاہیے، جنہوں نے اس ملک کو لوٹا، وہ واجب القتل ہیں۔
