چکوال ، پولیس کانسٹیبل اپنی اعلیٰ افسر کیخلاف درخواست لیکر ڈی پی او کے پاس پہنچ گیا 

چکوال(آئی این پی )چکوال پولیس کا کانسٹیبل اپنی ہی اعلیٰ خاتون افسر کیخلاف درخواست لیکر ڈی پی او کے پاس پیش ہوگیا۔

اے ایس پی صدر سرکل چکوال سائرہ ہاشمی  نے کانسٹیبل کی طرف سے اپنے مہمانوں کو چائے پیش کرنے پر ناصرف سرزنش کی بلکہ اس کو پولیس وردی میں ہی حوالات میں بندکرادیا۔  کانسٹیبل ناظم عجائب نے ڈی پی او چکوال کو تحریری درخواست دیتے ہوئے بتایا کہ میڈم ASP/ SDPO نے مجھے دوران ڈیوٹی سائلین کے سامنے بے عزت کر کے مجھے باوردی حوالات میں 2گھنٹے حبس بے جا رکھ کر سخت زیادتی کی، متاثرہ ناظم عجائب فریاد لے کر ڈی پی او کے پاس پہنچ گیا۔ڈی پی او نے درخواست پر رپورٹ طلب کرلی ہے۔