اپوزیشن کیخلاف مصروف نیب افسران پروفیشنل رویہ کیسے اپنا سکتے ہیں

پاکستان پیپلز پارٹی پنجاب کے صدر قمر زمان کائرہ نے کہا جب نیب کے افسران حکومتی ایماء پر اپوزیشن کو دیوار کیساتھ لگانے کی نت نئی ترکیبوں میں مصروف رہیں گے تو ایسی صورت حال میں وہ اپنے پروفیشنل روئیے پر کس طرح سے توجہ دے سکتے ہیں،معزز سپریم کورٹ نے درست نشاندہی کی کہ نیب کے غیر تربیت یافتہ افسران کی وجہ سے ہی رکاوٹیں پیش آ رہی ہیں۔وہ ایشو آف دی ڈے میں اظہار خیال کررہے تھے،ان کا کہنا تھا آپ کو یاد ہو گا پیپلز پارٹی چاہتی ہے نیب کے قوانین میں اصلاحات لائی جائیں اور اس کو ایک حقیقی معنو ں میں ایک آزاد اور خود مختار ادارہ بنایا جائے جو صرف کسی بھی موجودہ حکومت وقت کے اشاروں پر کام کرنے کی بجائے آزادی کیساتھ ہر اس شخص پر ہاتھ ڈال سکے جس کے بارے میں اس کے پاس کوئی ٹھوس شواہد ہوں لیکن محض الزامات کی بنیاد پر سیاسی مخالفین کو نیب سے پریشرائز کروانے کا سلسلہ بند ہونا چاہیے۔
قمر زمان کائرہ