ٹینس کو دوسرا مقبول ترین کھیل بنائیں گے: اعصام الحق

اسلام آباد ( ڈیلی پاکستان آن لائن ) پاکستان ٹینس فیڈریشن کے صدر اعصام الحق قریشی نے کہا ہے کہ کرکٹ کے بعد ٹینس کو دوسرا مقبول ترین کھیل بنائیں گے۔
نجی ٹی وی دنیا نیوز کے مطابق اسلام آباد میں میڈیا سے گفتگو کرتے ہوئے ٹینس سٹار اعصام الحق نے کہا کہ پاکستانی ٹیم کی ڈیوس کپ کی تیاری کیلئے ترکی میں ٹریننگ کیمپ لگے گا، جونیئر ٹیم ڈیوس کپ جبکہ سینئرز نے ترکی میں پاکستان کے لئے گولڈ میڈل جیتا۔
اعصام الحق نے کہا ہے کہ 26 مارچ تک کھیلے جانیوالے سرینا ٹینس ماسٹر کپ میں ٹاپ ایٹ پلیئرز لیڈیز، مینز اور ڈبلز کیٹیگری میں مقابل ہونگے جس میں مجموعی طور پر دس لاکھ کے انعامات تقسیم ہوں گے۔
انہوں نے مزید کہا ہے کہ ڈیوس کپ ٹائی میں پاکستان کا پیرا گوئے سے مقابلہ ہو گا، رمضان میں پہلی بار ٹاپ پلیئرز کا ٹینس ٹورنامنٹ کروا رہے ہیں۔