”نوازشریف آپ کو اس لیے نکالا کیونکہ آپ ۔۔۔“ شیریں مزاری کی بیٹی نے پاک فوج کو نشانہ بنا ڈالا ، ہنگامہ برپا ہو گیا
لاہور (ڈیلی پاکستان آن لائن )پاکستان تحریک انصاف کی مرکزی رہنما شیریں مزاری کی صاحبزادی ایمان زینب ایک مرتبہ قبل بھی پاک فوج کے خلاف بیان دے کر اس پر معافی مانگ چکی ہیں لیکن وہ باز نہیں آئیں اور ایک مرتبہ پھر انہوں نے انتہائی متنازعہ بیان جاری کر کے ہنگامہ برپا کر دیاہے ۔
تفصیلات کے مطابق ٹویٹر صارف ’ماریانہ بابر ‘کی جانب سے سابق ڈی جی آئی ایس آئی اسد درانی کی کتا سے متعلق ٹویٹ کیا گیا جس پر شیریں مزاری کی صاحبزادی ایمان زینب میدان میں آئی اور پیغام جاری کرتے ہوئے کہاہے کہ ”سویلنز پر بہت ترس آنے لگا ہے ، کرپشن پر بھی صرف انہیں نکالا ، غدار بھی انہیں ہی کہا گیا ، نوازشریف جتنا میں آپ کو اور آپ کی سیاست کو ناپسند کرتی ہوں تاہم میں آپ کے سوال کا جواب اب دے سکتی ہوں کہ آپ کو اس لیے نکالا گیا کہ آپ سویلین ہیں اور فوجی نہیں “۔
Civilians par tarrs bahut aanay laga hai. Corruption par bhee sirf unhay nikala, traitors bhee sirf unhay label kiya.
— ایمان زینب (@ImaanZHazir) May 25, 2018
N.Sharif, as much as I dislike ur politics, I can finally answer ur question.Aapko iss liye nikala kyunkay aap civilian hai aur fauji nahee.#accountabilityofall https://t.co/n8vByRwLOP
اس سے قبل بھی جب ایمان زینب کی جانب سے پاک فوج کے خلاف پیغام جاری کیا گیا تو شیریں مزاری نے اس کی مذمت کرتے ہوئے اس سے اظہار لاتعلقی کیا تھا تاہم بعدا زاں ایمان نے اپنے بیان پر معذرت بھی کر لی تھی لیکن اب ایک مرتبہ پھر ان کی جانب سے متنازعہ بیان جاری کیا گیا ہے ۔
یہاں یہ امر بھی قابل ذکر ہے کہ نجی ٹی وی جیونیوز کے صحافی شاہ زیب خانزادہ نے دعویٰ کیاہے کہ بھارتی ایجنسی کے سربراہ کے ساتھ ملکر کتاب لکھنے پر سابق ڈی جی آئی ایس آئی اسد درانی کو جی ایچ کیو طلب کر لیا گیا ہے ، پاک فوج کی جانب سے اس کتاب پر تحفظات کا اظہار کیا جا رہا ہے۔