2 ماہ میں نسلہ ٹاور مکمل گرا  دیا جائے گا: ڈپٹی کمشنر شرقی

2 ماہ میں نسلہ ٹاور مکمل گرا  دیا جائے گا: ڈپٹی کمشنر شرقی

  

کراچی (اسٹاف رپورٹر)کراچی کے ضلع شرقی کے ڈپٹی کمشنر آصف جان صدیقی نے کہا ہے کہ 2 ماہ میں نسلہ ٹاور مکمل گرا دیا جائے گا۔ڈپٹی کمشنر ضلع شرقی آصف جان صدیقی نے نسلہ ٹاور کے باہر میڈیا سے گفتگو کرتے ہوئے بتایا کہ نسلہ ٹاور کے کھڑکیاں دروازے نکالے جارہے ہیں۔انہوں نے بتایا کہ دسویں فلور سے توڑنے کے کام کا آغاز کیا گیا ہے،ڈپٹی کمشنر ضلع شرقی آصف جان صدیقی نے یہ بھی بتایا کہ حفاظتی انتظامات مکمل کر کے مشینری فعال کی جائے گی۔اسسٹنٹ کمشنر فیروز آباد اسما بتول نے میڈیا سے گفتگو کرتے ہوئے کہا کہ ضروری اقدامات کے ساتھ عمارت گرانے کا آپریشن شروع کر دیا ہے۔انہوں نے بتایا کہ کوشش کی جائے گی کہ کسی کا جانی و مالی نقصان نہ ہو، مزدور لگا دیئے گئے ہیں، اس کے علاوہ ہیوی مشینری بھی آئے گی۔فیروز آباد کی اسسٹنٹ کمشنر اسما بتول نے یہ بھی بتایا کہ نسلہ ٹاور کو دسویں اور گیارہویں فلور سے توڑا جائے گا۔

مزید :

پشاورصفحہ آخر -