بختاور بھٹو اور پی ٹی آئی رہنما عالمگیر خان میں سیلاب متاثرین کی امداد کو لیکر لفظی تکرار
کراچی (ڈیلی پاکستان آن لائن )پاکستان تحریک انصاف (پی ٹی آئی )رہنماعالمگیر خان اور سابق صدر آصف علی زرداری کی بیٹی بختاور بھٹو میں سوشل میڈیا پر لفظی تکرار جاری ہے۔
تفصیلات کے مطابق کچھ روز قبل پی ٹی آئی رہنما کی جانب سے سوشل میڈیا پر ایک پیغام جاری کیا گیا تھا جس میں انہوں نے سندھ میں سیلاب متاثرین کی مدد کیلئے درخواست کی تھی اور ساتھ ہی انہوں نے ٹینٹ اور راشن سے متعلق ایک قیمت والا بینر بھی اٹھا رکھا تھا ۔
امداد برائے سیلاب متاثرین کی اپیل pic.twitter.com/MadNBAgevA
— Alamgir Khan (@AKFixit) August 24, 2022
چیئر مین پاکستان پیپلز پارٹی بلاول بھٹو کی بہن نے عالمگیر خان کی اس تصویر کو ری ٹویٹ کیا اور لکھا کہ "ان کے بینر پر خیمے کی قیمت اصل سے دُگنی ہے، موجودہ انسانی بحران پر پی ٹی آئی کے لیے مزید چیریٹی کا فائدہ اٹھانے کا یہ وقت نہیں، سیلاب متاثرین کیلئے عطیات حکومتِ پاکستان کو دیں یا رجسٹرڈ این جی او کو دیں"۔
This isn’t a time for PTI to profit on more charity especially on this humanitarian crisis. 12x15 feet waterproof tents are HALF the price quoted below. Smaller even less. Sickening exploitation. Be weary of where your donations go #Pakistan donate to Gov funds or legit NGOs. https://t.co/hbQrtG7zok
— Bakhtawar B-Zardari (@BakhtawarBZ) August 25, 2022
بختاور بھٹو کی ٹویٹ پر اب پی ٹی آئی رہنما نے ویڈیو بیان جاری کیا ہے ، اور کہا ہے کہ سندھ میں قائم سلطنت کی شہزادی بختاور بھٹو نے سیلاب متاثرین کیلئے جمع کرنے والے فنڈ سے متعلق میری ایک تصویر پر ٹوئٹ کرتے ہوئے اعتراض کیا تھا، ایسی صورتحال میں یہ سوال کرنا اگر جائز ہے تو میں جوابدہ ہوں لیکن اس صورتحال میں سیاست کرنا مناسب نہیں، ہم بھی آپ کی 14 سالہ حکومت سے سوال کرسکتے تھے لیکن ہم نے اس وقت یہ مناسب نہ سمجھا، ہم اس وقت جو کرسکتے تھے ہم نے سوچا ہم وہ کریں گے‘۔
عالمگیر کا کہنا تھا کہ "رہی بات ٹینٹ کی تو میری بختاور سمیت سب پاکستانیوں سے گزارش ہے کہ اس سے کم قیمت والے ٹینٹ اسی کوالٹی میں کہیں سے بھی ہمیں دلوادیں اگر وہ ٹینٹ 9 ہزار یا ایک روپے بھی کم ہوگا تو ہم یہ ٹینٹ وہیں سے خریدیں گے لیکن چونکہ اس ماحول میں ٹینٹ دستیاب نہیں ہے لہٰذا ہمیں یہ ٹینٹ واٹر پمپ پر اسی قیمت میں ملے"۔
Reply to Zardari Kingdom Princess Bakhtawar Bhutto Zardari (Part-1)#Fixit pic.twitter.com/rjE4w74EWc
— Alamgir Khan (@AKFixit) August 25, 2022
پی ٹی آئی رہنما نے بختاور بھٹو پر تنقید کرتے ہوئے مزید کہا کہ ’لیکن ان محل میں رہنے والی محترمہ کو کیا پتا کہ واٹر پمپ یا بسم اللہ مارکیٹ کہاں ہیں ان کو حالات کا نہیں پتا، اے سی میں بیٹھ کر ٹوئٹ کردینا بہت آسان لیکن تنقید سے بہتر ہوتا اگر وہ یہ بتاتی کہ انہوں نے اپنی طرف سے کیا کیا ؟آپ اپنی کل جائیداد کا 0.001 فیصد بھی دے دیں تو سندھ کے کئی گاؤں آباد ہوجائیں، اگر آپ محلات کے دروازے کھول دیں تو کئی گاؤں کی آبادی کو چھت مل جائے گی‘۔
کم قیمت پر ٹینٹ دستیابی کے الزام کا جواب دیتے ہوئے عالمگیر کا کہنا تھا کہ "اگر اس سے کم پیسوں میں موجود ہیں تو سندھ حکومت کو چاہیے کہ وہ لیں اور عطیہ کریں، کہا گیا کہ سندھ حکومت کو عطیات دیں لیکن سندھ حکومت پہلے اپنی ٹیکس کلیکشن تو مکمل کرلے ، انہوں نے مزید کہا کہ آپ کی صوبے میں 14 سال سے حکومت ہے آپ زراعت کے ٹیکس کا مشکل سے 50فیصد اکٹھا کرتے ہیں ، آپ سکول کی ایک ڈیسک جو کہ 4 سے 5 ہزار کی بنتی ہےسندھ حکومت نے 35 ہزار میں خریدی جو کہ آن ریکارڈ ہے "۔
Reply to Zardari Kingdom Princess Bakhtawar Bhutto Zardari (Part-2)#Fixit pic.twitter.com/uNSUPShIGE
— Alamgir Khan (@AKFixit) August 25, 2022
