ڈی آئی خان میں ٹریفک حادثے میں ایک ہی خاندان کے 11 افراد جاں بحق

ڈیرہ اسماعیل خان(ڈیلی پاکستان آن لائن)ڈی آئی خان میں داناسر کے مقام پر افسوسناک ٹریفک حادثے میں ایک ہی خاندان کے 11 افراد جاں بحق ہو گئے۔

نجی ٹی وی سما نیوز کے مطابق ڈی آئی خان میں داناسر کےمقام پر مزدا گاڑی کے بریک فیل ہونے سے ایک ہی خاندان کے 11 افراد جاں بحق ہوگئے،ریسکیو 1122 نے بروقت کارروائی کرتے ہوئے 3 زخمیوں کو ابتدائی طبی امداد دی گئی،حادثے میں جاں بحق افراد میں 5 خواتین اور 1 بچہ بھی شامل ہے،حادثے میں جاں بحق افراد کی لاشیں ہسپتال منتقل  کر دی گئیں ہیں۔

زخمیوں میں دریا خان، احمد اور 10 سالہ یوسف شامل ہے،بدقسمت خاندان خانوزئی سے ڈیرہ اسماعیل خان آتے ہوئے حادثہ کا شکار ہوا۔