گھریلو ناچاقی پر دوسری بیوی نے شوہر کی جان لے لی
سکھر (ڈیلی پاکستان آن لائن)سندھ کے شہر سکھر میں گھریلو ناچاقی پر بیوی نے کدال کے وار سے شوہر کو قتل کردیا۔
رپورٹس کے مطابق قتل کا واقعہ نواحی علاقے کندھرا میں پیش آیا، جس کے بعد پولیس نے ملزمہ کو گرفتار کرکے تفتیش شروع کردی ہے۔
پولیس نے بتایا کہ لاش کو پوسٹمارٹم کے بعد ہسپتال منتقل کردیا ہے، ابتدائی تفتیش کے مطابق مقتول نے دو شادیاں کی ہوئی تھیں۔2 شادیوں کے بعد مقتول کا دوسری بیوی سے اکثر جھگڑا رہتا تھا اور اسی کے ہاتھوں موت بھی واقع ہوئی ہے۔
پولیس نے مزید بتایا کہ مقدمہ درج کرانے کے لیے ورثا نے رابطہ نہیں کیا۔
