حوالہ ہنڈی اورغیرقانونی کرنسی ایکسچینج میں ملوث 3 ملزمان گرفتار،ملکی اور غیرملکی کرنسی برآمد

کوئٹہ (ڈیلی پاکستان آن لائن) ایف آئی اےتفتان سرکل نےکارروائیوں کے دوران حوالہ ہنڈی اور غیرقانونی کرنسی ایکسچینج میں ملوث 3 ملزمان کو گرفتار کرلیا۔

ترجمان نے بتایا کہ گرفتار ملزمان میں محمد نواز، محمد خان اور سید محمد  شامل ہیں، تفتان کے مختلف علاقوں سےگرفتار کیا گیا اور ان کا تعلق چاغی اور نوشکی سے ہے۔گرفتار ملزمان سے 1350 ملین سے زائد ایرانی ریال ، 8 لاکھ سے زائد پاکستانی روپے، 180امریکی ڈالر اور بنگلہ دیشی ٹکے برآمد ہوئے ہیں۔

ترجمان کے مطابق گرفتار ملزمان سے 3 اے ٹی ایم کارڈز، 5 پاکستانی پاسپورٹس اور 12 رجسٹرز بھی برآمد ہوئے۔دوران تفتیش ملزمان برآمد ہونے والی کرنسی کےحوالے سےتسلی بخش جواب نہ دے سکے، ملزمان کے خلاف باقاعدہ تفتیش کا آغاز کر دیا گیا ہے۔