کلبھوشن کی اہلیہ،والدہ کے الزامات مسترد،الفاظ کی بے معنی جنگ میں الجھنا نہیں چاہتے :پاکستان

کلبھوشن کی اہلیہ،والدہ کے الزامات مسترد،الفاظ کی بے معنی جنگ میں الجھنا ...

  

اسلام آباد (این این آئی)پاکستان نے سزا یافتہ بھارتی جاسوس کمانڈر کلبھوشن یادیو کی اہلیہ اور والدہ کے دورے کے 24 گھنٹے بعد عائد کردہ بے بنیاد بھارتی الزام کو مستر کردیا ۔ ترجمان دفتر خارجہ کی جانب سے بدھ کو جاری بیان میں کہاگیا ہے کہ ہم الفاظ کی بے معنی جنگ میں الجھنا نہیں چاہتے۔ ہماری شفافیت اور فراخ دلی ان الزامات کو جھٹلاتے ہیں۔بیان میں کہاگیا کہ اگر بھارتی خدشات سنجیدہ تھے تو مہمان یا بھارتی ڈپٹی ہائی کمشنر انہیں دورے کے دوران میڈیا کے سامنے اٹھاتے جو فوری دستیاب تھا جیسا کہ بھارت نے درخواست کی تھی ۔ ترجمان نے کہاکہ حقیقت یہ ہے کہ کمانڈر کلبھویشن یادیو کی والدہ نے انسانی ہمدردی کے جذبے پر پاکستان کا سرعام شکریہ ادا کیا اسے میڈیا نے بھی ریکارڈ کیا ، اس حوالے سے مزید کچھ کہنے کی ضرورت نہیں ہے۔

پاکستان

مزید :

کراچی صفحہ اول -