مالااکنڈ: رشتے کے جھگڑے پر مخالفین کے گھر اندھا دھند فائرنگ، خواتین، بچوں سمیت 9 افراد قتل

مالاکنڈ (ڈیلی پاکستان آن لائن) مالاکنڈ میں رشتے کے جھگڑے پر مخالفین نے گھر میں گھس کر اندھا دھند فائرنگ کر دی، خواتین اور بچوں سمیت 9 افراد جان سے ہاتھ دھو بیٹھے۔

نجی ٹی وی "دنیا نیوز" کے مطابق افسوسناک واقعہ بگردرخار میں پیش آیا، مسلح افراد نے معمولی تنازع پر مخالفین کے بچوں اور خواتین کی زندگی کے چراغ گل کر دیئے، رشتے کے جھگڑے پر گھر میں سوئے افراد کو ہمیشہ کی نیند سلا دیا گیا۔  بتایا گیا ہے کہ مرنے والوں میں 2 بچے، 4 خواتین اور 3 مرد شامل ہیں، لیویز نے اطلاع ملتے ہی جائے وقوعہ پر پہنچے تاہم تمام افراد موت کے منہ میں جا چکے تھ۔ لیویز نے لاشوں کو ہسپتال منتقل کر دیا جہاں ان کا پوسٹ  مارٹم کیا جائے گا۔