میرے آنسوؤں کے ذمہ دار تم  ہو ۔۔۔

میرے آنسوؤں کے ذمہ دار تم  ہو ۔۔۔
میرے آنسوؤں کے ذمہ دار تم  ہو ۔۔۔

  

فاطمہ کی سسکیاں رکنے کا نام نہیں لے رہیں، بار بار وہ ننھے ہاتھوں سے گالوں پر بہتے آنسو پونچھتی ہے مگر آنکھ سے بہتا پانی ہے کہ رکنے کا نام نہیں لیتا۔ قبرستان کے ایک کونے میں گم سم کھڑی فاطمہ کا دل بھی دور افق پر غروب ہوتے سورج کے ساتھ ڈوب رہا ہے۔ 

فاطمہ کا اب اس دنیا میں کوئی نہیں، اس کے امی ابو اور بہن بھائی سب اب اس دنیا میں نہیں رہے، سکول بھی نہیں بچا، سب کچھ کچھ دن پہلے آنے والے سیلاب میں بہہ گیا ہے۔ فاطمہ کے ان آنسوؤں، بے بسی اور یہ سیلابی ریلے کی ذمہ دار قدرت نہیں بلکہ خود غرض اور مطلبی دنیا ہے جس نے اس کے خواب تک چھین لئے ہیں۔

یہ محض ایک فاطمہ کا دکھ نہیں بلکہ دنیا میں لاکھوں بچیوں کی کہانی ہے جن کے خواب چھن جانے کا خدشہ ہے اور اس تباہی کی مذمہ دار ماحولیاتی تبدیلی یا گلوبل وارمنگ۔آٹھ سال کی فاطمہ بھی کبھی پنجاب کے صوبہ پنجاب میں بہنے والےدریائے روای کےکنارے اپنے پیارے سے پرسکون گھر میں والدین اور بہن بھائیوں کے ساتھ ساتھ ہنستی کھیلتی تھی۔

اس کے بابا ایک قریبی فیکٹری میں کام کرتے تھے، مگر وہ نہیں جانتی تھی کہ فیکٹریوں سے نکلنے والا دھواں اور آلودگی ہی ایک دن اس کا گھر تباہ کر دے گی۔ بڑھتی حدت سے پہاڑوں پر گلیشیر پگھلے  گا اور ایک رات اچانک ایسا سیلاب آیا کہ فاطمہ کا سب کچھ بہا کر لے گیا۔

اس وقت اوسط عالمی درجۂ حرارت 15 ڈگری ریکارڈ کیا جا رہا ہے، سائنس دانوں کو تشویش ہے کہ انسانوں کے ہاتھوں کی جانے والی برق رفتار تبدیلی سے مستقبل میں زمین کے موسم پر شدید اثرات مرتب ہوں گے۔ سائنس دانوں کا اتفاق ہے کہ  کارخانوں اور زراعتی پیداوار میں گرین ہاؤس گیسز داخل ہونے سے درجۂ حرارت بڑھ رہا ہے اور اسی وجہ سے عالمی تپش بڑھتی جا رہی ہے۔

ایک اور ہم ترین وجہ جنگلات کا کٹاؤ بھی ہے۔ 1750 کے صنعتی انقلاب کی وجہ سے فضا میں کاربن ڈائی آکسائیڈ کی مقدار میں 30 فیصد جبکہ میتھین کی مقدار میں 140 فیصد اضافہ ہوا ہے۔ تازہ ترین سائسنی ڈیٹا کے مطابق سمندر کی سطح تین ملی میٹر سالانہ بلند ہو گئی ہے جس کی وجہ پہاڑوں پر گلیشیئرز کی تہہ کا پگھلنا ہے۔ سائنس دانوں کا خدشہ ہے کہ اس ویں صدی کے اختتام تک عالمی درجۂ حرارت میں 1.5 ڈگری کا اضافہ ممکن ہے۔

ماحولیاتی تبدیلی کے باعث سمندر کی سطح میں اضافے کی وجہ سے طوفان اور سیلاب آنے کے خطرات بڑھ رہے ہیں۔ ماحولیاتی تبدیلی سے غریب ملکوں سب سے زیادہ متاثر ہو رہے ہیں جو وسائل کی کمی کا سامنا ہے، لیکن بنیادی سوال یہ ہے کہ کیا پاکستان تنہا ان مسائل سے نمٹ سکتا ہے؟ ماہرین اس بات پر متفق ہیں کہ ترقی یافتہ ممالک کو کم آمدنی والے ممالک کا احساس کرتے ہوئے ان کی مدد کرنا ہو گی۔

 یہ طے شدہ حقیقت ہے کہ  گلوبل وارمنگ کسی سرحد کی پابند نہیں ہے، اس لئے وہ ملک جو زیادہ کاربن پیدا کرتے ہیں، وہ غریب ملکوں کو فنڈ فراہم کریں تاکہ  ماحول کو بہتر بنایا جا سکے۔ امریکا اور مغرب کو فوری اقدامات کے ذریعے گوبل وارمنگ  کے چیلنجز کا مقابلہ کرنے کے لئے آگے بڑھ کر کوشش کرنی چاہئے۔ ٹھوس اقدامات کےبجائےایک دوسرے پرالزامات لگانامسائل کا حل نہیں ہے بلکہ دنیا کو فوری اقدامات کی ضرورت ہے، دنیا کو مصنوعی وعدوں کے بجائے عملی اقداما ت کی ضرورت ہے تاکہ فاطمہ اور اس جیسے لاکھوں بچوں اور بچیوں کے خواب انہیں واپس دے سکیں ۔۔

(زینب وحید ماحولیاتی تبدیلی کیلئے کام کرنے والی معروف سوشل میڈیا ایکٹیوسٹ اور کیمرج کی طالبہ ہیں۔ وہ صف اول کی مقررہ،مصنفہ اورمتعددشہرت یافتہ اداروں کی سفیربھی ہیں۔انہیں اقوام متحدہ کےجنرل سیکریٹری برائے یوتھ کی جانب سے اٹلی کی عالمی کانفرنس میں پاکستان کی نمائندگی کے لئے منتخب کیا گیا ہے ۔ زینب وحید پینڈیموس ایکشن انیشیٹوو کے نام سے سوشل ویلفیئر پروجیکٹ کی بانی بھی ہیں جس کا مقصد انسانوں کے درمیان ڈیجیٹل تقسیم کو ختم کرنا ہے۔ اس پروجیکٹ کی سرپرستی  یونیورسٹی آف ٹورنٹو کر رہی ہے۔ زینب وحید انٹرنیشنل یوتھ کانفرنس 2021  کی پینلسٹ ہیں۔ اقوام متحدہ  اور انٹرنیشنل سول سوسائٹی کے تحت کانفرنس میں پینلسٹ کے طور پر بھی شامل ہیں۔ زینب وحید کلائمٹ چینج ایکٹیوسٹ کی حیثیت سے فرائیڈے فار فیچر پاکستان کا حصہ ہیں۔ پنجاب ہارٹیکلچر اتھارٹی کی سفیر ہیں۔ یوتھ ایڈووکیسی نیٹ ورک کی والنٹیئر ہیں۔ پاکستان ڈیبیٹنگ سوسائٹی لاہور کی صدر ہیں۔ انٹرنیشنل میگزین "اسمبلی" کے ساتھ بھی منسلک ہیں۔ زینب وحید لمز جیسے تعلیمی ادارے میں لڑکیوں کی تعلیم کی سفیر بھی ہیں۔ زینب وحید مضمون نویسی کے متعدد بین الاقوامی مقابلے بھی جیت چکی ہیں جس کے بعد انہیں اقوام متحدہ کی یوتھ سمٹ میں شامل کیا گیا ہے۔زینب وحید کے سوشل میڈیا لنکس مندرجہ ذیل ہیں )

Twitter:

https://twitter.com/UswaeZainab3

Facebook:

https://www.facebook.com/uswaezainab.official/

Instagram:

https://www.instagram.com/uswa_e_zainab_/

linkedin:

https://www.linkedin.com/in/uswa-e-zainab-1a8a8817a/

 نوٹ:یہ بلاگر کا ذاتی نقطہ نظر ہے جس سے ادارے کا متفق ہونا ضروری نہیں۔

مزید :

بلاگ -