رضوان نے اوکاڑہ سے موٹر سائیکل پر کراچی آنیوالے مداح کی خواہش پوری کردی
کراچی (ڈیلی پاکستان آن لائن )قومی ٹیم کے وکٹ کیپر بیٹسمین محمد رضوان نے اپنی اور کپتان بابر اعظم کی محبت میں موٹر سائیکل پر اوکاڑہ سے کراچی آنے والے مداح کی خواہش پوری کردی ہے ۔
نجی ٹی وی چینل "جیو نیوز"کے مطابق ملاقات میں مداح نے رضوان کو ان کی تصویر بھی تحفے میں دی جس پر رضوان نے مداح کو گلے لگایا اور اس کی شرٹ پر آٹوگراف بھی دیا، یاد رہے کہ قومی ٹیم کے کپتان بابر اعظم اور وکٹ کیپر بیٹر محمد رضوان کا فین 4 دن کا سفر طے کر کے موٹر سائیکل پر کراچی پہنچا تھا۔
ضلع اوکاڑہ کے چھوٹے سے گاؤں کا رہائشی پاکستان ٹیم کا فین اعجاز احمد پاکستان اور نیوزی لینڈ کے درمیان پہلا ٹیسٹ دیکھنے کے لیے موٹرسائیکل پر چار روز کا مسلسل سفر طے کرنے کے بعد کراچی پہنچا تھا۔
