مصر: ملزم نے ماں، بہن اور بھائی کو قتل کر کے لاشیں کتوں کو کھلا دیں

قاہرہ (ڈیلی پاکستان آن لائن )مصر میں ایک نوجوان نے اپنے خاندان کو قتل کرنے کے بعد لرزہ خیز انکشافات کئے ہیں۔
غیر ملکی میڈیا کے مطابق ملزم نے اپنی ماں، بہن اور چھوٹے بھائی کو چھریوں کے وار کر کے قتل کرنے کے بعد ان کی لاشوں کو جلایا اور ان کے ٹکڑے کر کے کچھ کو کتوں کے آگے پھینک دیا جبکہ لاشوں کے کچھ حصے ملزم نے فریج میں رکھ دیے۔میڈیا رپورٹ کے مطابق یہ واقعہ کچھ دن پہلے سامنے آیا جب مقامی لوگوں نے حکام کو اطلاع دی کہ ایک گھر سے بدبو آ رہی ہے اور گھر کے مالکان گزشتہ جمعرات سے غائب ہیں۔
گرفتار ملزم کا کہنا ہے کہ واردات صبح 5 بجے کی، پہلے چاقو سے اپنے بھائی کو قتل کیا پھر ماں اور اس کے بعد بہن کو ذبح کیا، ذہنی طور پر بیمار نہیں ہوں اور نہ ہی کسی نفسیاتی مرض کا شکار ہوں۔ملزم نے انکشاف کیا ہے کہ والدہ اور بہن بھائیوں کی لاشوں کو کاٹنے کے لئے 20 چاقوو¿ں کا استعمال کیا، مقتولین کی کچھ باقیات گھر کے فریج میں رکھ دیں اور دوسرا حصہ کتوں کو پھینک دیا۔مقامی حکام کے مطابق ملزم کی عمر 29 سال ہے اور وہ پیشے کے لحاظ سے وکیل ہے، مقامی گاو¿ں کے افراد کا کہنا ہے کہ ملزم نفسیاتی مسائل کا شکار ہے۔