اُس حسیں نے جہاں محبت کی| راول حسین |

اُس حسیں نے جہاں محبت کی

چل پڑے گی دُکاں محبت کی

دِل نشانے پہ لے کے آتا ہوں

کھینچ رکھو کماں محبت کی

میرے حصے کے آسماں پہ نہیں

کوئی بھی کہکشاں محبت کی

بے وفائی پہ اِس لیے چپ ہوں

اُس نے دی تھی زُباں محبت کی

جس طرف بھی چلو کھنکتی ہیں

پاؤں میں بیڑیاں محبت کی

بات دل کی کہی تو تھی اُس نے

پھر نجانے کہاں محبت کی

شاعر: راول حسین

(راول حسین کی بیاض سے)

Uss    Haseen    Nay   Jahan    Muhabbat    Ki

Chall    Parray    Gi    Dukaan    Muhabbat    Ki

Dil    Nishaanay   Pe    Lay   K    Aata   Hun

Khainch    Rakho    Kamaan   Muhabbat    Ki

Meray    Hissay   K    Aasmaan    Pe   Nahen

Koi    Bhi    Kehaskhaan    Muhabbat    Ki

Bewafaai   Pe    Iss    Liay    Chup   Hun

Uss    Nay   Di    Thi    Zubaan    Muhabbat    Ki

Jiss    Taraff    Bhi    Chalo    Khanakti   Hen

Paaon    Men    Bairriyaan    Muhabbat    Ki

Baat    Dil    Ki    Kahi   To    Thi   Uss   Nay

Phir    Najaanay    Kahan    Muhabbat    Ki

Poet: Rawal    Hussain

مزید :

شاعری -رومانوی شاعری -غمگین شاعری -