جہالت کی انتہا!400بھارتی مردوں نے خود ہی اپنے آپ کومردانگی سے محروم کر دیا کیونکہ۔۔

نئی دلی (نیوز ڈیسک) انسان کو راہ حق کی طرف رہنمائی فراہم کرنے کیلئے اسلام نے سچے، سیدھے اور صاف ستھرے اصول بیان کر دیئے ہیں مگر افسوس کہ دنیا میں ایسے شعبدہ بازوں کی کمی نہیں ہے جو جاہل لوگوں کو گمراہ کر کے ایسے ایسے جرائم کا ارتکاب کرتے ہیں کہ جن کا تصور بھی رونگٹے کھڑے کر دیتا ہے۔
ایک ایسا ہی بدبخت شخص بھارتی یوگی، گرو اور نام نہاد روحانی پیشوا گرمیت رام سنگھ ہے جس نے اپنے پیروکاروں کو بتایا کہ خالق کے قریب ہونے کا بہترین اور تیز ترین طریقہ یہ ہے کہ وہ اپنے جنسی اعضاءقلم کر دیں۔ اس بدمعاش شخص کے بھارت میں تقریباً پانچ کروڑ پیرو کار ہیں جن میں سے 400 بدقسمت ایسے تھے کہ جو اس کے نہایت قریبی لوگ تھے اور انہوں نے اس دروغ گو کی باتوں میں آ کر واقعی اپنے آپ کو مردانہ اعضاءسے محروم کر لیا۔

دوران پر واز کسی مسافر کی موت ہو جائے تو عملہ کیا کرتاہے؟جانئے
آسٹریلوی اخبار ”سڈنی مارننگ ہیرالڈ“ کے مطابق ان احمق مردوں نے اپنے اعضاءسال 2000ءمیں خود کاٹے لیکن بعد ازاں شرمندگی اور پچھتاوے کے باعث اس بات کو چھپائے رکھا۔ اب میڈیا نے اس خوفناک واقعے کا سراغ لگا لیا ہے جس کے بعد یہ خبر عالمی میڈیا تک بھی پہنچ گئی ہے۔ مقامی میڈیا کے مطابق گرمیت رام سنگھ کروڑوں کی جائیداد کا مالک ہے اور اس کے خلاف ایک صحافی سمیت کئی افراد کے قتل کے مقدمات بھی چل رہے ہیں۔