سلمان بٹ اچھا کھیل رہا،ضرورت پڑنے پر قومی ٹیم میں شامل کریں گے:چیف سلیکٹر انضمام الحق
لاہور(ڈیلی پاکستان آن لائن)قومی کرکٹ ٹیم کے چیف سلیکٹر انضمام الحق نے کہا ہے کہ سلمان بٹ اچھا کھیل رہا اور وہ ہماری لسٹ میں ہے جہاں اس کی ضرورت پڑی تو ضرور موقع دیا جائے گا۔
ٹروکالر کی نئی ایپلیکیشن متعارف، گوگل ڈو کیساتھ انضمام کا بھی اعلان
تفصیلات کے مطابق لاہور میں میڈیا سے گفتگو کرتے ہوئے چیف سلیکٹر انضمام الحق نے کہا کہ یونس نے ریٹائرمنٹ کا فیصلہ خود کیا اور اس کے فیصلے کا احترام کیا جانا چاہیے،یونس اور مصباح کی جگہ جلدپرنہیں کی جاسکے گی اور ان کے متبادل ڈھونڈنا آسا ن کام نہیں ہے۔
انضمام الحق نے مزید کہا کہ ایک میچ ہارنے سے کچھ نہیں ہواا آ ج ٹیم اچھا کھیلے گی،قوم دعا کرے آج کا میچ پاکستان کے لئے بہت اہم ہے،سرفراز احمد کو کامران اکمل سمیت کسی کا پریشر نہیں لینا چاہیے،فاسٹ باؤلرز کا زیادہ رنز دینا لمحہ فکریہ ہے اورآخری اوورز میں سکور زیادہ ہوتا ہے جو ہماری ٹیم نہیں کررہی مگرپاکستانی ٹیم کم بیک کرے گی کیونکہ قومی کھلاڑی باصلاحیت ہیں۔چیف سلیکٹر کا کہنا تھا کہ ٹیم کی ضرورت دیکھ کر کھلاڑی منتخب کرتے ہیں،سکور نہیں ٹیم کی ضرورت دیکھ کرکھلاڑی دیکھ کر سلیکشن کی جاتی ہے،اگر سکور دیکھ کر کھلاڑی منتخب کرنا ہے تو سلیکٹر کی ضرورت نہیں۔
سابق کپتان کا آخر میں کہنا تھا کہ ایک سیریز میں 8 نئے کھلاڑیوں کو شامل کرنا آسان کام نہیں تھا،دیگر کھلاڑی لوپ میں ہیں جہاں ضروری پڑی استعمال کریں گے،احمد شہزاد نے پی ایس ایل میں اچھی پرفارمنس دی اور یہ بات ٹھیک ہے کہ ٹیم کو عبدالرزاق اور اظہر محمود جیسے آل راؤنڈر کی ضرورت ہے۔
