پاکستان نے بلائنڈ ٹی 20 ورلڈ کپ کے فائنل کیلئے کوالیفائی کرلیا
ملتان(ڈیلی پاکستان آن لائن)پاکستان نے چوتھے بلائنڈ ٹی 20 ورلڈ کپ کے فائنل کیلئے کوالیفائی کر لیا۔
نجی ٹی وی چینل آج نیوز کے مطابق ملتان میں کھیلے گئے پہلے سیمی فائنل میں پاکستان نے نیپال کو یکطرفہ مقابلے میں 10 وکٹوں سے شکست دے دی۔
بلائنڈ ٹی 20 ورلڈ کپ کے پہلے سیمی فائنل میں نیپال کی ٹیم پاکستان کے خلاف مقررہ اوورز میں 7 وکٹوں پر 94 رنز ہی بناسکی۔پاکستان کے مطیع اللّٰہ نے 4 اوور میں 5 رنز کے عوض 3 کھلاڑیوں کو آؤٹ کیا۔
پاکستان نے نیپال کی جانب سے دیا گیا 95 رنز کا ہدف باآسانی چھٹے اوور میں حاصل کرلیا، کامران نے 21 گیندوں پر 63 رنز اسکور کیے۔
