2024 :پنجاب میں کتنے منصوبے شروع کتنے مکمل ہو گئے ۔۔۔؟عظمیٰ بخاری  نے تفصیلات شیئر کر دیں

لاہور ( ڈیلی پاکستان آن لائن )  2024  میں وزیر اعلیٰ پنجاب مریم نواز نے کتنے منصوبے شروع کیے  اور کتنے مکمل ہو گئے ۔۔۔؟ صوبائی وزیر اطلاعات عظمیٰ بخاری  نے اہم تفصیلات شیئر کر دیں ۔

وزیراطلاعات پنجاب عظمیٰ بخاری نے کہا ہے کہ سال 2024 پنجاب کی تاریخ کا کامیاب ترین سال رہا ہے۔ مریم نواز نے سال 2024میں 77 سے زائد عوامی ریلیف کے منصوبے شروع کیے جن میں سے 50 زائد مکمل بھی ہوگئے ہیں۔ مریم نواز کی حکومت نے تمام منصوبے اپنے وسائل سے شروع کیے ، پنجاب ترقی، خوشحالی،ریلیف اور کارکردگی میں تمام صوبوں سے لیڈ کررہا ہے۔ پنجاب میں طلباء، کسان،خواتین اور  نوجوانوں سمیت ہر طبقے کو بلاتفریق ریلیف دیا گیا ہے۔پنجاب میں پہلی بار اقلیتوں کے لیے ریلیف پیکج دیئے گئے ہیں۔

وزیر اطلاعات نے مزید کہا کہ4 سال پنجاب کے وسائل کو پنکی،گوگی اور کپتان نے بے دردی سے لوٹا ۔  مریم نواز نے پنجاب کے لوگوں سے ہونے والی ناانصافیوں کا ازالہ کیا ۔آج پنجاب کے لوگوں کامعیار زندگی باقی صوبوں سے کئی گنا بہتر ہے۔اس لیے مریم نواز کی مقبولیت میں اضافہ ہوا ہے۔انشاءاللہ 5 سال پنجاب میں ترقی کا سفر ایسے ہی جاری رہے گا۔