صدر مملکت آصف زرداری کا پاؤں میں چوٹ آنے سے دورۂ چین مؤخر 

اسلام آباد(ڈیلی پاکستان آن لائن ) صدر مملکت آصف علی زرداری کا  پاوں میں چوٹ آنے کے بعددورہ چین مؤخر ہوگیا۔

نجی ٹی وی "جیونیوز" نے ذرائع سے دعویٰ کیاہے کہ صدرآصف زرداری نے رواں ماہ چین کے دورے پر جانا تھا جو ان کے پیر میں فریچکر کے سبب مؤخر کردیا گیا ہے۔

تفصیلات کے مطابق ابھی صدر زرداری کے دورہ چین کی حتمی تاریخیں اور شیڈول طے ہو رہا تھا کہ پیر میں چوٹ آنے کے باعث معاملہ التواء کا شکار ہوگیا۔ذرائع نے مزید بتایا کہ وزارت خارجہ اور چینی سفارتخانے نے دورے کی تاریخوں کا اعلان نہیں کیا تھا تاہم اب صدر مملکت صحت یاب ہونے کےبعد چین کا دورہ کریں گے۔