نجی واٹر پارک میں نہاتے ہوئے ننھی بچی گہرے پانی میں چلی گئی، واپس لاش آئی
ٹھٹھہ (ڈیلی پاکستان آن لائن) 4 سالہ بچی ٹھٹھہ کے قریب نجی واٹر پارک میں نہاتے ہوئے گہرے پانی میں جانے کے سبب ڈوب گئی۔
نجی ٹی وی ایکسپریس نیوز کے مطابق اندوہناک واقعہ گھارو میں پیش آیا جہاں 4 سالہ بچی بڑوں کی غفلت کا نشانہ بن کر ڈوب کر مرنے جیسی اذیت ناک موت کا شکار ہو گئی۔ نجی واٹر پارک میں بچی فیملی کے ساتھ نہا رہی تھی کہ چند لمحوں کی غفلت نے ننھی بچی کو گہرے پانی کی جانب دھکیل دیا جہاں وہ تڑپ تڑپ کر دم توڑ گئی۔
بچی کو تلاش کیا گیا تو صرف اس کی لاش ہاتھ آئی، ننھی روح تو کب کی پرواز کر چکی تھی۔
