کوئٹہ ، خاران کے چیف چوک کے قریب دھماکہ ، 11افراد زخمی ، 2 کی حالت تشویشناک
کوئٹہ ( ڈیلی پاکستان آن لائن ) کوئٹہ کے علاقے خاران میں چیف چوک کے قریب دھماکے میں 11 افراد زخمی ہو گئے جن میں سے دو کی حالت تشویشناک ہے ۔
نجی ٹی وی ہم نیوز کے مطابق دھماکہ موٹرسائیکل میں نصب بم کے پھٹنے سے ہوا ، ریسکیو اہلکاروں نے موقع پر پہنچ کر زخمی کو ہسپتال منتقل کیا۔
ادھر وزیر اعلیٰ بلوچستان عبدالقدوس بزنجو نے خاران دھماکے کی مذمت کی اور تحقیقات کی ہدایت کی ۔ وزیر اعلیٰ بلوچستان نے کہا کہ ملک دشمن عناصر صوبے کا امن خراب کرنا چاہتے ہیں۔
پولیس کے مطابق بم دھماکے میں گاڑی اور قریبی دکانوں کو نقصان پہنچا ، واقعے کی تحقیقات جاری ہیں ۔
