ہنگو میں سیکیورٹی فورسز کا آپریشن، 4مطلوب دہشت گرد ہلاک 

پشاور(ڈیلی پاکستان آن لائن ) ہنگو کے علاقے میں رات گئے محکمہ انسداد دہشت گردی (سی ٹی ڈی) کے آپریشن میں 4 دہشت گرد مارے گئے۔
سی ٹی ڈی خیبر پختونخوا کے مطابق دہشت گردوں کا تعلق کالعدم تحریک طالبان پاکستان (ٹی ٹی پی) کے ایک گروپ سے تھا۔ٹیمیں علاقے میں سرچ اینڈ اسٹرائیک آپریشن کر کے واپس آتے ہوئے جب ہنگو کے علاقے جہازو بندہ پہنچیں تو ان پر مسلح دہشت گردوں نے حملہ کردیا۔حملے کے جواب میں سی ٹی ڈی ٹیم نے 4 دہشت گردوں کو ہلاک کردیا جبکہ 3 دہشت گرد رات کی تاریکی کا فائدہ اٹھا کر فرار ہونے میں کامیاب رہے۔ دہشت گرد کالعدم تنظیم سے تعلق رکھتے تھے اور محکمہ انسداد دہشت گردی خیبر پختونخوا کو مطلوب تھے۔دہشت گردوں سے 4 ایس ایم جی، 16 چارجر، 4 بنڈولیر اور سیکڑوں کارتوس برآمد ہوئے۔