تدبیر سے بگڑی ہوئی تقدیر بنا لے| ساحر لدھیانوی |

تدبیر سے بگڑی ہوئی تقدیر بنا لے
اپنے پہ بھروسہ ہے تو  یہ  داؤ لگا لے

ڈرتا ہے زمانے کی نگاہوں سے بھلا  کیوں
انصاف ترے ساتھ ہے الزام اُٹھا لے

کیا خاک وہ جینا ہے جو اپنے ہی لیے ہو
خود مٹ کے کسی اور کو مٹنے سے بچا لے

ٹوٹے ہوئے پتوار ہیں کشتی کے تو غم کیا
ہاری ہوئی بانہوں کو ہی پتوار بنا لے

شاعر: ساحر لدھیانوی

(شعری مجموعہ:گاتا جائے بنجارا؛سالِ اشاعت،1964)
 

Tadbeer   Say   Bigrri   Hui   Taqdeer   Banaa   Lay

Apnay   Pe   Bharosa   Hay   To   Yeh   Daao   Laga   Lay

Darta   Hay   Zamaanay   Ki   Nigaahon   Say   Bhalaa   Kiun

InSaaf    Tiray   Saath   Hay   Ilzaaam   Uthaa   Lay

Kaya   Khaak   Wo   Jeena   Hay   Jo   Apnay   Liay   Ho

Khud   Mitt   K   Kisi   Aor    Ko   Mitnay   Say   Bachaa   Lay

Tootay   Huay   Patwaar   Hen    Kashti   K   To   Gham   Kaya

Haari   Hui   Baanhon   Ko   Hi   Patwaar   Banaa    Lay

Poet: Sahir    Ludhianvi