سابق پنالٹی کارنر اسپیشلسٹ سہیل عباس ملائیشین ہاکی سے وابستہ

لاہور(سپورٹس رپورٹر)پاکستان کے سابق پنالٹی کارنر اسپیشلسٹ سہیل عباس ملائیشین ہاکی سے وابستہ ہوگئے۔کراچی سے تعلق رکھنے والے لیجنڈ سہیل عباس رواں ماہ اسسٹنٹ کوچ کی ذمہ داریاں سنبھالیں گے۔ سہیل عباس ملائیشین کھلاڑیوں کی پنالٹی کارنر اسکلز بہتر بنائیں گے۔پاکستان کی طرف سے 315 میچز میں 348 گول اسکور کرنے کا اعزاز رکھنے والے سہیل عباس کا ملائیشین ہاکی فیڈریشن کے ساتھ معاہدہ طے پاگیا ہے۔ انٹرنیشنل ہاکی کو خیر باد کہنے کے بعد سہیل عباس کی کسی انٹرنیشنل ٹیم کے ساتھ یہ پہلی باقاعدہ اسائنمنٹ ہوگی دوسری جانب ہاکی سے تعلق رکھنے والے سابق کھلاڑیوں نے سہیل عباس کو ملائشیا ہاکی سے منسلک ہونے پر مبارکباد دیتے ہوئے ان کے لئے نیک خواہشات کا اظہار کیا ہے۔