یوکرین نے روس کے 22 ڈرون مار گرائے

 کیف (ڈیلی پاکستان آن لائن) یوکرین کی فضائیہ نے دعویٰ کیا ہے کہ انہوں نے گزشتہ رات روس کے 22 ڈرون مار گرائے ہیں ۔ روس کی جانب سے گزشتہ رات یوکرین کی طرف 28 ڈرون روانہ کیے گئے تھے۔

العربیہ کے مطابق یوکرینی فضائیہ نے ٹیلی گرام پر کہا ہے کہ 28 ڈرونز میں سے دو اپنے طور پر یوکرینی فضائی حدود چھوڑ گئے جب کہ ایک ڈرون لاپتا ہوگیا۔ بیان میں کہا گیا ہے کہ کچھ ڈرونز نے یوکرین کے مغربی ریجنز ترنوپل اور ریون میں حساس انفراسٹرکچر کو نشانہ بنایا ہے۔ یہ واضح نہیں ہوسکا کہ روسی ڈرون حملوں میں کتنا جانی نقصان ہوا ہے۔